شعر ابو مرزوق اهداء لسامي محمود
منيل شيحة بتحييك
ياللي زرعت الخير بايديك
كل حبايبك هنا حواليك
خش ودوس بكرامة تلاقي
كل ايدينا سابقة ايديك
***
باسأل نفسي ألف سؤال
امتى نغير دي الأحوال
سامي محمود يا حبيبنا تعالى
وانقذ أهلك م الأهوال
***
نورك فاض ع الكل وغطى
ياللي ف بالي نام واتغطى
سامي محمود اهو هل هلاله
من غير قرش ومن غير واسطة
***
جوا قلوبنا قاعد متربع
ولا ها ينافق ولا ها يطبع
علم وخير وثقافة وذوق
سامي محمود هو اللي ها ينفع
***
يا اهل بلدنا كلكو خير
وانا وياكم للتغيير
سامي محمود نوارة ونور
يلا ايديك ف ايديا نسير
***
حق عليا ولازم أقول
لاجل ما ابني ف بكرة ينول
سامي محمود هو اللي ها ينجح
سوا بالعرض وسوا بالطول
***
قلب كبير ودماغ صاحيالنا
خد من عمره كتير وادالنا
لاجل ما يرسم فجر عيالنا
سامي محمود – والنعمة – أملنا
***
حكم عقلك يا ابن الناس
قبل الفاس ما تقع ف الراس
سامي محمود مستقبل ابنك
اوعى ف يوم تقبل تنداس
***
ليه بتلف وليه تحتار
ليه بتدور ليل ونهار
سامي محمود واضح وصريح
جهدك نبدأ بيه المشوار
***
قالو فقير انا قلت ومالو
فكره وعقله دول راسماله
ايه راح ناخد م الأغنيا
سامي محمود الناس داعيالو
***
احنا شباب الثورة شبابو
قبل الناس نرمح في ركابو
سامي محمود من غير تفكير
هو لمصر الخير يا جنابو
***
يا ما كتير علمني وزاد
وجه عقلي لخير الزاد
سامي محمود استاذنا الغالي
صدفة جميلة بألف معاد
ليست هناك تعليقات:
إرسال تعليق